EP 46 白兵新聞電台 X 新聞廣播塔 20221101
Added 2022-11-01 09:48:49 +0000 UTC1. 繼續回應好青年支持者論點
//就算對email既基礎認知有錯，但係跟住討論既原則問題都唔會因此而錯誤，你最多咪話因為佢前設同現實不相符//
//我都有理由基於自己自由考量而唔打；呢個就係條片最後對於政府家長主義嘅批評；亦都係好多人斷章取義冇睇到就鬧嘅位；明白現實係支針直頭有問題會死人所以必定唔打；但人類科技會進步可見嘅將來必然會變得安全，到時就有必要討論無害嘅針係咪應該迫人打//
//無啦啦屌好青年做乜鳩 人地討論政策背後既原則，又唔係探討應唔應該打疫苗 人地純粹share緊d 大學者既睇法引發大家思考 你地跳晒掣咁做乜鳩//
//其實哲學嘅用途係為人提供同一件事可以有唔同嘅思考方式同方向姐，好像春秋戰國時期嘅百家爭鳴咁，每個學派都對治國有唔同嘅睇法，揀邊款都係睇個皇，佢地又唔係某思想嘅創始或代表人，佢地只不過係多個思想嘅歸納者姐，條片有d人就係想睇明確嘅表態，但係都有人係只想係思想上可以得到多個思考方向姐//
2. 香港GDP下跌
政府統計處公布今年第三季本地生產總值（GDP）預估數字，按年急挫4.5%，遠遜市場預期跌0.8%，亦是2020年第二季以來最差表現，並較第二季的1.3%跌幅顯著擴大，比第一季收縮3.9%更差；按季計，第三季GDP收縮2.6%，扭轉了原本按季改善的勢頭。
工商投資大減 對外出口轉壞
政府發言人表示，經濟表現欠佳是由於季內的海外需求疲弱所致，料外圍環境惡化將在今年餘下時間繼續為出口帶來巨大壓力。有經濟師相信，政府稍後會再下調全年的經濟預測，為今年第三度。
作為經濟重要支柱的私人消費開支，於第三季按年持平，按季仍有增長。惟本地固定資本形成總額按年跌幅擴大，第三季急挫14.3%，而第二季僅跌2.1%。至於貨品出口更按年勁跌15.5%，較第二季的8.4%跌幅加劇。
政府發言人稱，外圍環境轉差及跨境陸路貨運往來持續受阻，對香港的出口造成嚴重打擊
3. 長江中心空置率21%，甲級寫字樓空置率10%，再講香港房屋政策
假設我地相信市場有效調節價格，而家啲寫字樓同舖位之所以死唔減租，就係因為對未來香港經濟仍然有種憧憬，如果呢種憧憬破滅好自然就會減租
之前啲人一直批評香港經營成本好貴，而家有租得減未好事囉：呢個亦都印證咗樓價高、租金貴係經濟蓬勃必然結果，好多人朝思暮想樓價舖價仆街，但唔係呢日來臨果刻你根本唔想再買樓買舖
但而家最大問題都係，明明香港住宅寫字樓供應都大幅增加，比卡超個施政報告仲癲到去擲幾千億同搞北部都會區同明日大嶼，係咪想推冧香港經濟？我只睇倒呢個政府同習近平一樣，除咗大興土木根本無第二招去刺激經濟，但最終只係弄巧反拙
有人話公私營房屋係兩個市場，呢個講法我唔係完全同意，因為當你愈來愈多公屋，就係會從私人市場拉走，結果樓價都會因此下跌
其實最理想就係立刻暫停大型基建、唔好特意增加房屋供應，等樓價軟著陸，而唔係走去花式自殺之餘，仲要燒撚哂庫房D錢。當然個政府係唔撚會聽
4. 金融峰會
而家先後有花旗、巴克萊、黑石三位CEO取消來港，但綜觀高盛、大摩、摩根大通、匯豐渣打全部到齊，又好難話有咩明顯壓力嚇到啲人唔黎──不過成個勢搞到唔係好想黎，就非常明顯勒
相比起金融峰會，我對金融科技週更有興趣，我有friend話環境都幾熱鬧，香港都請咗SBF、Yat Siu、Race Capital代表陣容都算唔錯，同埋政府發表咗個香港虛擬資產政策宣言都算係180度扭轉咗態
Comments
依家起公屋係有先見之名，可能十年後D人回流返黎。咁D樓市需求咪會返黎囉
Yiu Lung Li
2022-11-08 17:14:02 +0000 UTC問題：幾時開始, 只要有條友, 套上 "哲學" 兩隻字, 就會有人 聽佢哋 狗up一通？ 會吾會 係 事實上 根本 用時間 去諗吓 佢哋 up乜, 都已經 係 浪費緊 自己 嘅 時間
lok
2022-11-01 13:15:34 +0000 UTC
