EP 40 白兵新聞電台 X 新聞廣播塔 20220919
Added 2022-09-19 11:12:57 +0000 UTC1. 政府急轉彎放寬防疫猶如政變！
上星期我地都講咗成班醫療專家無端端作反，全面同盧寵茂對著幹；之後當我見倒一眾有錢佬都大加抨擊防疫措施，我就明白班醫生肯撚定係收咗錢
其實呢種情況都唔係第一次，之前政府全禁電子煙，其實都係見倒有禁煙組織甚至傳統煙草商嘅手影，唔好睇到班醫生有幾高，絕對係見錢開眼
老實講無論李家超定係盧寵茂而家都極之無面雖然我覺得李家超對放寬防疫措施係無可無不可，但就算係放都應該由佢親自宣佈，而家搞到係傳媒放風，簡直係比人兜巴摑埋黎
尋日陳茂波無端端撲出黎話香港財政超過1000億，明顯就係迫宮；再加上江玉歡之流都走出黎要求政府交待放寬防疫路線圖，只可以講，係同政變無分別
之前撐清零一堆建制派例如何君堯、陳凱恩亦全線收皮，再睇住施永青之流由撐清零突然轉軚話疫情死亡率比人高估咗，亦係非常肉酸
2. 究竟香港與病毒共存係咪見今曙光？
而家嘅防疫措施主要係由3+4變0+7，另外就係可能取消上機前撩鼻──聽講為咗要搞呢套確認System政府擲撚咗幾億，而家當然就丟哂落海
不過兩樣放寬明顯都係回應商家壓力：就係要令外國人黎香港嘅成本降低；我覺得只要香港經濟繼續仆街，全面取消檢疫應該響半年至一年內可以見倒
問題卻在於戴口罩同疫苗護照都係本土防疫措施同監控市民嘅一部份，有無可能咁順攤取消？事實上而家日本就要求外來旅客裝置追蹤APP，特衰政府大條道理可以拎呢樣作為依據；再者無論係清零定共存，谷針從來都係政府共識
更重要係無論谷針定係戴口罩，對於香港經濟影響都有限，有錢佬少咗個動機推動，會撤銷嘅機會又少咗；反而堂食人數、各種場所經營時間同免快測之類，就應該會放寬
3. 新加坡睇住香港黎打
