EP 39 白兵新聞電台 X 新聞廣播塔 20220913
Added 2022-09-13 15:09:47 +0000 UTC1. 防疫快訊
袁國勇、高跋昇中武肺反映點防疫都無撚用
李家超話免除大陸人來港打疫苗有道理：大陸人要強檢幾十百次又有網格式管理，要染疫機會的確低啲；但問題係如果香港感染風險係全球最高，仲有乜需要對外封關？
孔繁毅而家話要統一接種疫苗標準，係咪要同李家超唱反調先？
何柏良表示容許家居隔離但繼續封區強檢係違反邏輯
李家超話武肺死亡率高流感6倍，所以直到全民打針前唔可以放寬防疫措施，啲口吻真係似足燒山世柒呢班谷針撚
陳凱欣話不能接受外地流入人口有1.44%-2%潛伏武肺患者：講呢啲數據其實多撚餘，每日死亡個案由10個升到13、15個係咩概念？剩係提數字，而無連繫到實質影響，其實都係偽科學
點解疫情嚴重都要繼續開學？就係因為相比起死多幾個細路，令所有學校擁有正常校園社交生活係更加重要
人命同經濟發展、死亡風險同正常生活可以係數學，亦可以係哲學問題，但似乎無乜人認真討論
2. 由戈巴卓夫講到英女王逝世：
因為身邊太多六七八十後廢中廢老，估唔到年青一代會對呢啲冷戰時代偉人離世會係完全無感
響我嘅年代，戴卓爾夫人、列根、戈巴卓夫、基辛格全部都係赫赫有名，甚至乎呢個世界命運掌握響佢地手中都不為過
睇番戈巴卓夫回憶錄，響蘇聯歷史上佢係一個侏儒，對美國多番忍讓，響好多個能夠成功阻止蘇聯崩潰嘅關鍵點上佢都選擇放棄，甚至乎可以話最終被歐美出賣
但響歷史角度黎講，佢則係一個巨人，因為憑佢一己之力壓倒哂所有保守派武力鎮壓嘅建議，容許成個東歐自行決定命運，促成德國統一、冷戰結束，如果換著係布里茲涅夫或者赫魯曉夫，今時今日蘇聯應該仲存在
點解俄羅斯唔能夠學習中國改革開放，最終甚至又變番一個獨裁國家？主要基於3大原因
一、戈巴卓夫本身就唔擅長經濟，而強於外交政治；二、響蘇聯／俄羅斯經濟最危急之時，歐美選擇袖手旁觀，覺得維持一個積弱俄羅斯對佢地最有利；三、蘇聯就係缺乏咗香港呢個面向國際嘅窗口，無辦法借香港做白手套、甚至作為西方體系嘅試金石
3. 戀殖係要經歷長時間薰陶先能夠產生嘅感情
如果你唔係六七八十後，講鍾意自己懷緬英女王其實只係類似追星心態
八十年代嘅所謂建制派其實都係親英國政府，反而民主派係處處對殖民地政府質疑，不過香港人當年出名政治冷感，一直係去到彭定康時期香港人先對英式民主有全新印象
即係好好笑嘅係，好多香港人話懷緬英女王，但連英女王有咩權限都唔撚知
首先女王定女皇其實根本唔重要，因為好多人講女王之餘，皇家又會好番皇，今時今日叫人Miss Chan定陳小姐嘅分別
其次就係搞錯君主立憲就等如民主，君主立憲只係相比起君權神授比較文明嘅管治方式，但君主立憲唔代表憲法就係民主／君主就會遵守憲法
第三則係另一個極端，響多年改革之後，英女王權力經已完全被架空，變成一個虛位元首，所謂擁有嘅權力其實都受各種條文約束同國會監控，所以啲人話香港管治得好全靠英女王，英女王主動放權唔干政、英女王可以勸告首相影響施政方針，全部都係Bull Shit
