EP 33 白兵新聞電台 X 新聞廣播塔 20220802
Added 2022-08-02 09:18:31 +0000 UTC電視廣播塔
1. Mirror演唱會意外總結：
兩大可能事故可能：ViuTV慳皮；藝能製作疏忽過失，但係邊一樣要等調查報告至知
客觀講，香港演唱會事故比率算係好低，甚至乎全世界嘅演唱會嘅舞台事故都係低，反而好多慘劇都係涉及大型戶外演唱會人踩人有關
坊間誤解：今次演唱會參與單位全部都係經驗豐富；Mirror演唱會正正因為太花心思設計太複雜先會出事
從何以見得會政府、中共會包庇ViuTV？莫非D人唔記得ViuTV對家遷係CCTVB？李氏家族同中共有幾多牙齒印？沙中線同城大天台工程本身都有政府響背後，今次演唱會又有咩人需要包庇？
責任應該如何分配？只有直接負責螢幕安裝嘅先有可能負上刑事責任，即係安裝工人、舞台監督、製作公司、簽字工程師；但都仲要睇調查報告點寫
但花姐魯輝最多就係間接製作人，最多就係出資聘請製作公司負責，點計最多都只係罰款而無可能坐監
其實因為演唱會過失而要坐監嘅例子係極之罕有，主要係由於過失致死同不幸意外兩者間嘅判斷、究竟安裝工人同工程公司嘅責任比重係極之難判斷，所以最終都係傾向罰款
2. 佩洛西訪問台灣嘅兩大意義
佩洛西訪問台灣我一直都無乜特別花時間講，因為佢基本就係一次宣示式外交：簡單黎講，就係台灣地位並無因為呢次訪問有所變化，中共唔敢武力攻台、台灣唔敢承認獨、美國唔敢駐軍台灣
佩洛西唔將訪台列為官式訪問行程、拜登放風話白宮同軍方唔建議進行訪問、中共將佢解讀成私人性質訪問，其實算係大家各自搵咗個落台階，一個佩洛西各自表述
之但係佩洛西訪台都仲係有兩個意義：首先係美國切莎樂美腸策略成功：而家就係試倒你中共所謂「嚴厲反擊」、「承擔一切後果」原來全部得個講字。
起初仲有好多人擔心中共會派戰機攔截、越過台海中線甚至侵入台灣領空、又或者佔領東沙島，但結果全部都無做到；由於時間太倉猝解放軍甚至搞唔切當年李登輝式嘅飛彈演習，完全比人睇穿咗係紙老虎，往後肯定大撚把各國政要排住隊用類似方式前往台灣進行非官式訪問攞彩
至於另一個意義，則係民進黨響外交舞台大獲全勝，受美國民主黨背書拉票，往後選舉都幾難輸。雖然中共推出嘅反制措施則係禁止100種台灣食品入口，呢啲欺凌式制裁只會令台灣愈來愈習慣，最終只係令台灣民眾覺得反共立場更合佢地胃口
3. 為何特朗普會反對佩洛西訪台？
反Trump人士睇見當然係欣喜若狂，撐Trump人士睇見則係非常疑惑
首先Trump反對佩洛西訪台當然係存在私心，但佢指佩洛西咁做對中台大局無任何幫助反而令問題更複雜，卻係好符合Trump嘅「現實外交主義路線」
Trump嘅外交路線有兩大元素：一係all talk , do nothing 即係 bullshit，二係任何外交手段都應該視之為談判籌碼，爭取最大利益
佩洛西訪台一為滿足個人虛榮感，二為民主黨拉票，但最終同敗燈政府係全無配合、甚至成為習燈會談嘅障礙；同時以私人性質訪台亦唔會令台灣防範中共侵略獲得任何實質益處（唯一益處大概係加深民進黨親美立場），響Trump角度自然係一個bad move
如果Trump在位的話佢會點做呢？一方面就係延續佢落任前瘋狂加速對台軍售；另一方面都幾乎可以肯定佢會用龐佩奧訪台作為迫中共響貿易戰甚至其他外交層面屈服嘅籌碼，唔接受要求就直頭派國務卿進行官式訪問，大家亦唔好唔記得，佢係當選後第一時間致電蔡英文嘅美國總統
Comments
軍演係扮打仗，完全符合國情 !
CPSWG
2022-08-03 06:38:18 +0000 UTC
