１月風水小貼士 - 流月催異路功名方法
Added 2023-12-16 23:00:01 +0000 UTC１月流月風水小貼士
流月催異路功名方法
會有新入會的訂閱戶有疑問，究竟流月異路功名陣是什麼東西？
其實即是以一個最理想的時辰，在一個旺方，佈一個專催旺異路功名的佈局。
異路功名又是什麼呢？其實即係唔係正統讀書而得的名聲。例如，你讀書唔係好叻，攞唔到奬，但玩課外活動出色，考試科科唔合格，但打籃球你好叻好勁，喺學校無人唔識你，好似流川楓咁，呢啲就叫做異路功名喇。
又或者，你係做一定自顧人士，ＫＯＬ，網絡紅人，保險呀，賣樓呀，某行業或生意需要一些響亮的名氣，總之係好需要一啲名氣的，而又唔係官貴嗰種名氣，就都係叫做異路功名。
但呢個力量只限一個月，下一個月或許會有另一個時辰再佈局，也或許冇，要睇緣份。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
方法如下：
日期：２０２４年１月１３日（都係呢日同呢個時）
時間：上午１０：００（當地時間）
方位：家中的西南方
擺放物品：１條木造黑色的龍（如冇木造，膠都得，最好是木）
以下是龍的擺設。
期限是一個月啦，跟手拎走佢。
如果呢段時間，咁啱係需要谷大自己名氣的時間，咁就可以試下。又係嗰句，有冇效果，除咗睇你自己屋企係咪風水OＫ，你個人都要帶點運氣的。
希望大家喺呢個月既時間，可以跑到個名氣返來吧。
