１１月風水小貼士 - 流月催正財運方法
Added 2023-11-07 22:00:01 +0000 UTC１１月流月風水小貼士
流月催正財運方法
會有新入會的訂閱戶有疑問，究竟流月正財陣是什麼東西？
其實即是以一個最理想的時辰，在一個旺方，佈一個專催旺財運的佈局。
咁佈咗又點呀？係咪可以唔駛做呀？
唔是咁樣的，而係工作會順利啲，將你原先的運氣加強，即如果你係黑仔，希望可以順利返少少；而如果你係有機會升職加人工，或者有財到機會，咁就會將個機會提升。
記住唔好攞嚟賭博呀。
但呢個力量只限一個月，下一個月或許會有另一個時辰再佈局，也或許冇，要睇緣份。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
方法如下：
日期：２０２３年１１月１８日
時間：早上６：００（當地時間）
方位：家中的西方
擺放物品：一個陶瓷造的釣魚翁
又係一個月期限，完咗自己記得撒走佢。
免責聲明：戴返個頭盔先，呢個陣主要係增強個人偏財運，而且有冇效唔係必然，要視乎你佈局的單位風水本來好壞，或者你閣下本身個運程係咪已經黑過墨汁，而且更加不是鼓吹你去賭錢，亂咁投資炒股，又或者去一注獨贏全副身家盡買。記住，並唔係咁架。閣下記住，佈完局後，你工作上會較為順利，搵錢也得心應手，並不是叫你去賭身家呢。記住，後果自負呀！
謝謝支持。
ＰＳ
呢個佈局係可以同時可以與其他流月風水佈局並行的，宮位在廚房也適用。
