命理隨筆 - 世界上有冇一個完全冇運行嘅人？
Added 2023-06-22 05:00:05 +0000 UTC究竟幸福係咪必然？
而家應該好少人會餓死，年青人只要有手有腳，肯做，就至少搵到兩餐，係現今通脹強勁，要出人頭地，係真係不容易。
人生真係可以用八字嚟參考。
如果一個八字好理想美滿，出生好，讀書好，際遇好，晚年好，咁真係夫復何求。
師傅會以古命例嚟解說一下，行運唔行運，有咩分別。
以下係一古命例：
丙火日主，雖然最愛見壬水，但丙火生喺寅月，又自坐午火羊刃，丙火最透出，即係日主嚟講，相當健旺。
而成個局主，當然係由火嚟主導。
咁坊間有說，八字最好梗係夠強啦，日主夠強先有用架嘛。
好喇，日主強，咁自然財官就弱啦，財官係人生所求之物，即係事業同金錢呀，係咪流晒口水呢？
你以為肯做肯捱就有世界撈呀？係捱世界咋。
好似呢個命咁，財星臨絕地，又無根，即係廢廢地，又俾隔離個丙火尅制住，即係出身窮啦。
個官星呢？壬水生喺個寅月春天啊，即係無氣啦，本來有金去生去，但頭先啱啱講完，庚金財星都自己搞唔搞自己，自身難保呀，仲邊有力氣去生你壬水喎。
壬水自坐辰庫，仲有少少根氣，所中以又從唔到。
咁呢個八字有幾慘呢？
幼年喪父，依母親轉嫁她姓，跟住阿媽又死埋。
古代咁嘅話，唯有牧牛度日啦，現代的話，就會有社工跟進，但日子一定不好過。
之後仲盲埋，連工都做唔到，要流落街頭乞食。
可想而知，幸福唔係必然，古代有呢啲命，真係要行乞度日架，現代呢，可能生活艱苦一點，有冇運行呀？如以呢個命例，唔知可唔可以捱到第六柱申運，到時都已六十過外呢。
