劈頭第一句問廁所位置
Added 2023-05-27 01:01:00 +0000 UTC早前有一朋友在whatsapp cold call, 問有冇收費係關於淨係睇屋中個廁所係唔係喺中宮...
我答佢冇架喎, 一係成間睇, 就好難收錢淨係睇你間廁所
同埋, 其實風水陽宅之中, 廁所並不是最重要的位置, 當然係有一啲書或者一啲師傅, 會成日講廁所在中宮, 會不利女性, 又會主婦科病或秘尿系統疾病等等
陽宅最主要的, 我哋都係放喺大門, 主人房, 同埋廚房, 呢三樣嘢.
最近睇到一啲外國人的風水谷, 裡面又係講廚房個鋅盤, 對住大間, 怎樣化解云云
首先睇圖三, 佢嗰個鋅盤望到大門, 係叫做望到, 而唔係叫做沖
我哋要睇相沖先為之有問題
如果見到都有問題, 咁所有師傅都應該指出每一個廚房都有問題, 因為灶頭一定會"見到"鋅盤", 對嗎? 咁仲唔係間間屋都會引起心臟病?
唔知外國的風水, 受到邊一個頻道或派別影响, 鋅盤又幾時變得咁緊要?
仲有, 焗爐幾時又會同斜對面個雪櫃有產生效應?
究竟外國的風水發生咩事呢? 大家都係喺澳洲啫....
你又會問, 唔係話廚房係睇風水主要睇嗰三樣嘢之一咩? 喂呢啲鋅盤, 焗爐, 同埋雪櫃, 咪係廚房嘅嚟囉?
首先, 古代的屋, 係唔會有鋅盤, 焗爐, 同埋雪櫃嘅. 而我所指最重要的東西, 不是整個廚房, 而是個爐頭位置, 因為八卦之中水同火係主宰了一個八卦裡面的溫度, 所以佢哋各自得一個, 而土有三個, 木有兩個, 金都有兩個, 即水火太多, 足以滅門, 唔係浸死就係燒死...
咁佢都用咗電磁爐, 已經冇明火, 個廚房如果犯上火燒天門, 其實效果已不強, 所以成個廚房都可以唔駛理(咁滯)
睇到佢哋咁玩, 又話要放水晶或者風鈴遮住個焗爐對住個雪櫃, 終於明白我出面個商場, 有檔賣下水晶咁, 租咁貴都生存到, 真係不無道理.
