冤獄何時了？
Added 2025-09-29 12:29:58 +0000 UTC今日9月29日星期一，約了張先生去探一位還押手足，佢10月9日就判，祝佢好運。
我準時11點到赤柱，點知張生因為塞車遲到，總算可以12點前做到登記。當我們辦完手續，已經係12:30，而呢個時間正是監獄嘅食午餐（包妹）時間，當手足出來見到面，就問佢食左包妹未？原來佢係未食，只好叫左囚友留比佢啦！其實最好係12點見到面，15分鐘完結，返到期數剛好食包妹。
手足有叫我幫佢係佢ig 晒相，我話等佢判左之後先寄，因為而家係還押號碼，判左之後就轉身份用個終身囚號，所以怕會寄失！
可悲的是，原來手足仲有一條褲未開審，即使今次坐完，仲要面臨新一個案。其實今次已經係第三繭。非法集結/暴動/管有爆炸品/藏有攻擊性武器/藏有可作非法用途工具等等...... 悲哀
到底呢個無良政府要人坐冤獄坐到幾時？
