日記～01/06/2021 - 漏水的飯堂
Added 2025-09-16 10:46:13 +0000 UTC星期二 紅雨
昨晚已經落好大雨，氣窗外傳來嘅雨聲十分大，而且不停有水飄入來，但呢個窗太高又冇得關，只好將物品搬遠啲，希望唔好整濕。
今朝六點就醒左，第一時間就聽收音機，原來係紅雨。出倉食早飯，原來飯堂好多地方都漏水，所以阿sir 都容許大家自由坐（原本有規定邊個坐邊個位）。食完依然落好大雨，相信無得去球場啦！赤柱比石壁舊好多，而飯堂嘅沖涼房，漏水漏到好似同落雨無分別咁！赤柱始終都係歷史文物。
一坐底食飯，就叫我去醫院除個3U牌，話我 3U 牌係因為年紀問題，所以唔使除，如果係因為工作問題，只要寫返一份嘢比師傅就得，又係一啲不負責任嘅聲明（內容係話如果我因為工作上受傷，係因為自己唔小心，跟懲教署無任何關係）。無問題，寫就寫，上到車位唔容易，（3U牌我估係有三樣嘢Undo,不可以做的意思）。
由今日開始，仲有三個多月就放學，天氣真係好熱，落吓雨降吓温，夜晚應該會好訓啲。
【 赤柱監獄的歷史始於1937年，最初名為香港監獄，是香港首個高度設防的綜合監獄。 在太平洋戰爭期間，它曾被用作戰俘拘留營，稱為赤柱拘留營。 戰後，該監獄恢復其原有的高度設防監獄功能，並一直運作至今，收容被判終身監禁或長刑期的成年男性囚犯。 】
