日記～28/05/2021 ～ 監獄中的黑社會
Added 2025-08-17 08:11:17 +0000 UTC星期五 晴 30.4°
今日出左糧（即係有零食），唔記得帶啲糧返倉，留左係車衣Workshop，希望無比人偷啦。睇報紙得知，香港將會改變選舉制度，香港的良好優越的地方，正式被破壞。
早睡早起，呢排都係未夠10pm 就訓教，未夠6am 就醒左，食早飯時，就派返啲眼藥水比我，其他嘢又唔比，又唔派藥比我食，食藥食到亂晒龍，希望下午派藥時派返比我，點知要到晚飯先派比我，上次我同醫生投訴已經同佢地講“點可以唔準時食藥”？下次覆疹又同醫生投訴吓先！
赤柱始終係大監獄，而且係甲級重犯，身邊十個人，除了自己之外，唔係殺人就誤殺，唔係運毒就係製毒，唔係開賭就係開雞竇，全部都係為了一樣嘢～錢！監獄係一個超高消費嘅地方，班大佬睇錢大過天，唔好以為監獄揾唔到錢，總之都係一樣，有利益輸送。
其實同佢地相處好簡單，有利益就係朋友！黑社會就係咁，為錢乜都做得出！
