日記-27/5/2021 - 水路
Added 2025-08-09 14:36:34 +0000 UTC星期四 晴
一早就起左身，今日係洗衫日，差啲忘記左，我地一星期洗兩次衫，每個囚犯有三套，如果忘記一次洗衫就無衫換啦！今朝職員忘記開門比我，個個出晒去，我要申手出去叫職員開門比我。通常大sir 會一早來開第一把鎖，到出倉再由職員開第二把鎖，所以想逃獄真係無可能嘅事！
通常我係新來，攞飯都係最後一個，有好有唔好啦！試過派乘四隻雞翼比晒我，一般得兩隻，也試過唔夠飯，為有食小啲！也試過攞B仔飯，多好多餸。自問係監獄內都係一個守規則嘅人，所以大家對我都算幾好。呢個車衣期通常10am 至11am去球場，今日出球場前學識劃領，因為準備車冬衣條領。
今日係球場派信，我收到十幾封，有寫信師，有工會信，有家人，有結他譜，也有由石壁寄來的囚友信。通常去完球場，就有一小時冲涼時間，去到 12點，我們就會即刻去飯堂，因為12730係食Lunch 時間，今日一返到返堂，就Clinic Call...又係食緊飯時間call 我！原來今日要去外面嘅醫院，去到指模房又搞一大堆手續，當然又要換衫又要上銷，上到囚車已經2:45pm。先去廣華，再去QE, 我去到明愛眼科已經4:10, 我地晚飯係5:30，心諗，今晚可能又無飯食，原來明愛嘅Booking 係1:30。
差小小無得睇，遲有遲好，即到即睇，乜隊都唔使排，4:30睇完，快籌攞藥。我上車先，職員去攞藥，5點前已經開車返監獄，先去廣華接返啲人。
返到赤柱，係指模房食飯，路程真係好遠。點知又有小插曲，有人唔見左我啲藥，好在好快揾得返。直接返倉，大熱天氣無得冲涼啦！不過赤柱有赤柱的好，即日睇完醫生就返監獄，唔同石壁，因為係水“水路”，所以要係荔枝角住一日，第二日才去睇醫生，睇完又要信一日才回去，快者三日，星期六、日無囚車，可能要住夠五日先返去。
為什麼叫“水路”，因為未有青馬大橋之前，大嶼山係坐船出入，直到現在，依然跟喜靈洲同一期數叫“水路”，通常懲教船隻會停係昂平洲。早就應該變啦！有條件即日來回啦。
