日記～26/05/2021 ～ 漏水
Added 2025-07-26 07:50:36 +0000 UTC星期三 大雨
昨晚半夜開始行雷閃電落大雨，終於氣温可以降低一點點，被行雷嚇醒，再訓。六點半左右起身，發現個窗漏水，因為個窗係無得關，而且成二米幾高，結果我放係個三角枱面上的簿同書都濕晒。都無法，只好放平係床上面等佢地自然風乾啦！因為地面都有好多水，只好用自己嘅舊毛巾抹地啦！無人會理我地！
“天賜”就係我識左廿年，但好小聯絡嘅朋友，今次係赤柱車衣期相遇，佢就已經係Checker，有佢幫忙，我升上車衣位會快好多。佢本身就係一個有錢人，有幾層樓，今次佢係衰玩chem fun..... 食完早飯，另一個囚友係咁係我面前講“天賜”壞話，話佢係到食得咁豪，係咁入非，因為佢唔知我地本身識，為免麻煩，聽完就算。
明日出糧，即係去攞零食日。今日出到球場也開始做吓運動啦，練習吓啲彈跳力，希望出返去仲可以打排球啦！做完運動，部份去沖涼房沖，我同另一小部份，就去到飯堂先沖，無咁多人，沖得舒服啲。下午有個B仔叫我明日跟佢劃吓嘢先，因為裁剪前要劃好個樣先得，對我來說當然好，但一定會有人眼紅我升得咁快！晚飯時，今日我加左餸，仲有唔夠四個月，就可以重獲自由。
