55 Bar

日記-24/5/2021 ～與殺人犯同倉成好友

Added 2025-06-21 11:19:10 +0000 UTC

星期一晴 29° ～32°

昨晚話有人過界，今朝一早錫仔（殺人犯劉石豪，花名石棺豪）又話要過去石壁，佢係赤柱車衣期同我算係傾得埋嘅好朋友，點解同我Friend 啲嘅人，都一個一個咁走？佢高大年青靚仔，自學日文，知我係九月就會放學，希望我出去後可以幫佢揾一位日文老師，可以去探訪時教佢日文，我見佢咁好學，當然會努力幫佢揾啦，佢屋企應該有啲錢！
係赤柱識嘅光仔，錫仔，阿乃都走晒，只好記住號碼，大家通信聯絡吧！阿乃早幾日過左去石壁，而家錫仔，光仔都過埋去，佢地都有個伴啦！雖然自己唔太開心，但係監獄，無奈要接受。星期一通常大家無心情工作，因為星期日剛剛放完假，加上日日有人走，我來左兩星期，走左十幾人（包括ON 外國人)，聽啲老屎忽講，每年懲教都會係咁，囚犯大過界調來調去，所以啲人無乜心機做嘢。走左咁多人，自工作剛位係咁跳升上去，包括人工係咁跳，所謂有失必有得。
原本，香港人同ON 外國人係分開飯堂食飯，懲教今日又有大改動，之後要同ON 一齊食飯（咁就有機會交換咖哩餐）。食完早飯，返到Workshop 都無嘢做，摺吓衫之後就睇書。朝上有人好做官係無錯，我係赤柱車衣期撞返個舊朋友，仲要做checker 佢話會幫我盡快上車衣位。
食完晚飯，返倉整理吓歌譜，又一日。

PS: 同殺人犯同倉，原本我都唔知，但係監獄，是非就會係咁傳，係當時只知道係殺人犯，當放學後才找回新聞。他很聰明，又高大靚仔，最後係誤殺，我最近都同佢有通信，都係同其他囚友一樣，會叫我地幫佢寄啲資料/性感相/歌譜……比佢。

劉石豪的新聞
石棺藏屍案男子謀殺罪成　申終極上訴被拒　終院：原審對關鍵證供無誤解 - 法庭線 The Witness https://share.google/gjo3EwVX00zigGy2F