55 Bar

日記～5月20日2021年～囚犯升級制

Added 2025-04-27 06:56:12 +0000 UTC

間中有雨星期四

過完佛𗩙假期後，今日又要開工了，早上6:30會開燈，但未開燈我已經醒左，洗面換衫準備好一切預備回倉了。食完早飯，返到workshop (車衣期）期數，在工作及人工上已經升左一級，唔使洗厠所拖地，可以去剪線頭了。監獄就係一個分等級的地方，一個新人由低做起，遂級遂級升上去，工資也由最低每星期六十幾升到每星期二佰，就已經係極限。因為工資會每星期計算，一年有四個月會計五星期，所以最高工次有一千蚊一個月。
升級原來好簡單，有新人入來你就升一級，即使話可以一星期升七級。今日剪線頭，原來要等出左張通告紙（批准紙）才可以正式升級，所以都係要等。十點幾就要去操場打波，每日如是，原來工場下午要安裝cctv 所以下午又無須工作，在飯堂活動，所以根本全日又係無嘢做，明日也一樣，全日在飯堂活動。坐監最恐怖就係時間太多，太無聊啦！簡直係精神虐待！
幸好有大批寫信師，我有十多封信要回覆，所以“信”這就監獄入面的精神食糧。因為有太多信要回，石牆花、公會、朋友、家人，郵費都用唔小！因為過界，又唔知冇左幾多糧，希望夠錢買郵票啦！下星期出糧才可以買。因為去了小欖係無糧，舊糧又買晒零食，如果唔夠二佰蚊，咁就無錢買嘢食。
下午四點左右，突然落大雨，仲要係超大個種，落左半粒鐘就停，然後又即刻出太陽，，夏天的天氣就係咁，五月有34度，真係熱死人，去到七月八月，温度去到36/37度，囚室就有成四十幾度!
咁又一日，食完晚飯，返倉訓教。