日記～2021年5月19日 ～ 囚犯如何分級？
Added 2025-04-12 02:26:20 +0000 UTC星期三 晴(佛𗩙)公假
昨晚剛剛落完大雨，今朝就出太陽，其實我聽唔到落雨嘅聲，只係因為窗口滲左一灘水係到，同埋出到球場，發現地下仲未乾，而且有好多積水係到，大家要用掃把掃走積水先可以打波（藍球）。
一早起身，唔使工作，雖然大家有去清理積水，但打波嘅人比平時小，可能因為星期日打完，有點攰啦！大家都係打吓筋、圍伴球場行吓就算。做完運動就去飯堂活動（全日休息），當然要去攞結他玩，但係福利官仲未批准，所以都係要借囚友嘅玩住先！
食完午餐（粥及面包），就回吓信，整理吓歌譜，全日就係咁簡單渡過。因為係假期，電視就會播電影，重覆又重覆，無嘢睇。而且電影會重覆播放，我入獄五個多月，部電影已經重覆左三次。我係高設防監獄，好多甲級重犯，要坐十二年以上，咁一套電影，佢要重覆睇幾多次？不敢想像。其實點去分capA ,B, C,? 係用個判刑來決定（看圖）！
成日比人叫我捉棋，因為我次次都輸，所以決定比心機贏一次就夠，😅 好多囚友都見到我用飯去做漿糊，於是有囚友偷偷地比膠紙我用，但自己嘅事自己負責返，一陣比阿sir發現，就連累人地，所以都係要拒絕！
Comments
💪
Wai Tong Tze
2025-04-28 13:24:29 +0000 UTC
