白兵 Stormtrooper

EP 61 白兵新聞電台 X 新聞廣播塔 20230213

Added 2023-02-13 10:43:55 +0000 UTC

新聞廣播塔：

有關燕麥、麥片爭議

國安快訊：

污點證人確認為趙區錦陳四人，再加上張秀賢彭卓棋加入葉國華陣營，YC陷入全面HANG機狀態，根本唔知點樣自己百般維護、絕對信任嘅「戰友」出賣自己

黃絲過去全力吹捧不分化不割席，拒絕接受任何批評，一味「家醜不得外傳、自己人就少句」，反而係助長咗藏污納垢，黃之鋒都話，如果當初同張秀賢反面時能夠早啲爆佢啲衰嘢出黎，就未必會搞到佢呃咗咁多錢之後仲要投埋共

好笑嘅係仲有一班左膠認為有人投共正正證明「捉鬼」有用，有內鬼證明更加要捉鬼，但佢地永遠唔會醒覺嘅係，上面講嘅咁多隻鬼，佢地有邊隻成功捉倒過？然後你會發現左膠所謂捉鬼，永遠都係捉一啲同佢地意見不同嘅鬼，自己人永遠唔捉，咁捉鬼就只不過係肅清異己嘅藉口，當日飯民捉激進派鬼又係，和理非捉勇武鬼又係，去到今日飯民左膠繼續捉所有批評者鬼一樣係

但最撚仆街都係，當班YC發癲咁攻擊因為怕坐監而屈服嘅阿布泰，卻輕輕放下當日騎劫民間記者會，走佬台灣後又將所有責任推卸比戴妖嘅沈旭暉；然後響安全地方肉麻到話自己願意為香港坐幾年監嘅蕭若元。所以我從來都話，留響香港嘅人，我地應該以相對寬容嘅態度看待，因為真正可惡嘅，係響外國食住人血饅頭嘅撚樣

之前東方怒屌被警方恐嚇打壓，蕭澤頤回應話接受中肯客觀批評，好多人唔明白，其實佢已變相承認無辦法好似《蘋果》咁清算《東方》，呢個亦都反映出《國安法》唔係所向無敵：同埋今次《東方》嘲笑警方無能竟然無受法律制裁，會唔會係對煽動罪紅線有個新定義？即係煽動仇警就有罪，嘲笑警方無能就無罪？

「光城者」7名成員涉前年派傳單張及發表言論，倡以「武裝起義」推翻政權，被控串謀煽動顛覆國家政權罪，《國安法》指定法官郭偉健判刑時指，兩人在案中角色同屬「情節嚴重」，一人更曾在記者會上擔任英文翻譯，明顯是「試圖向國際人士宣揚理念」；而另一人則為組織創辦人，提出「無底線流血革命」主張及煽惑其他被告加入，判二人分別監禁5年及5年3個月

理大暴動渠口助人逃離鄭錦滿囚44個月另7被告判監7至13個月。執法人員先後拘捕上述4人，並從行車紀錄儀發現馮及林曾討論協助他人經渠口逃出理大。同日清晨何志豪與葉嘉祺，走在忠孝街的道上其後被拘捕檢控游蕩罪。何及後招認想為從理大逃出的人士提供義載服務。另外黃逸滔及梁祖光亦被發現當日在現場有份協助他人逃離理大

防疫快訊：

衛生署停止公佈新增確診個案，兩星期確診數4678宗、死亡個案85宗，即係平均每日334宗，死亡6宗。2月撤銷隔離令後一如所料確診數急跌，因為根本再無意欲去話人聽你有病

發唔發覺經已無人再講中國疫情？根本就係香港翻版：啱啱開始果陣個撚個講到世界末日咁，其實一個月左右過咗峰值，你想點吹大佢都無辦法。更重要係因為死嘅都係老人家同長期病患，一般人根本經有哂心理準備，根本感受唔倒疫情衝擊

所有中國遊客都檢驗唔倒新變異株，防疫撚兩個月前講嘅全世界封鎖中國，而家提都無人再提。當然防疫撚仲係堅持6月又會黎第二波疫情，即係咪同香港一撚樣囉，字面上確診數高，但除咗防疫撚根本無人理

所以今舖習總係賭贏咗，全面躺平捱過咗第一個月嘅高峰，之後猛屌班人就會自己收聲

中國氣球引發中美關係緊張：我只問一個問題，明明美國國防部一早已掌握住中國氣球行蹤，點解去到呢一刻先反應咁大？