EP 22 白兵新聞電台 X 新聞廣播塔 20220517
Added 2022-05-17 10:21:32 +0000 UTC新聞廣播塔
1. 李家超衰11之謎
本身好多人只係針對李家超19歲因家庭關係放棄讀港大，20歲生仔，22歲結婚
後尾因為林麗嬋從來無公開過佢嘅年齡，所就開始有人傳佢衰十一
衰十一係同未滿16歲女童發生性為，但我搵哂成個互聯網都見唔倒有相關年齡資料，那怕係謠言；如果李家超同佢老婆真係舞會時識，都真係要好勉強先會係認識果陣細個16歲
其實以前香港社會係好多人好後生就結婚，風氣反而開通過而家
唔係想特別為極權者Fact Check，而係如果借「李家超未婚產子」、「咁後生就扑嘢」作為攻擊武器，你其實就係日後呢種道德騎劫嘅幫兇
2. 鄧家彪要求政府延後第三針疫苗護照、港大教授高本恩、勞德光建議60歲以下港人毋須使用疫苗通
之前火鍋私房菜群組爆發，大家嘅反應係「哦」你就知，根本疫情經已完結，而家叫做風土病
疫苗撚其實欠香港人一個道歉，當日你話唔打針嘅要承擔呢樣果樣責任同後果，而家疫情完結，就個個話打針無所謂？
最科學嘅睇法就係，60歲以下市民根本染病危險，完全唔需要有任何限制；就算你係要借疫苗護照進行全監控，只需要記錄行蹤就得，點解要將三針疫苗作為必要條件？
苗撚永遠唔講，走去搞全港學童迫針係浪費資源，因為低齡組別重症率同死亡率係近乎零，果啲話「年輕嘅生命每死一個我都好惋惜」係極度偽善同反科學
土共話繼續防疫監控先可以通關係自欺欺人，根本香港無可能絕對清零，反而響通關角度出發，你與病毒共存盡快做到全民感染，反而仲可以快d達致真正清零
立法會議員楊永杰強調，不同意「疫苗通行證」嚴重限制個人自由。他說，選擇權在市民手上，不打針屬個人選擇，若然市民因醫學理由而無法打針，政府已有相應的豁免措施：呢啲講法就同燒山同黃世柒口講唔迫針，但實質就係唔打唔得一撚樣
兩位港大教授提出咗一個醫學理念，就係「知情同意」（Informed consent）：「醫師對病患詳細說明病情，並就因應之檢查或治療提供充分之資訊，病患在充分理解後做出承諾，在沒有受任何強制之自由立場下，選擇檢查或治療之方法，而醫師則根據此同意進行醫療。」
重點係「沒有受任何強制之自由立場」，疫苗護照限制絕大多數生活行為，就係同迫你打針無分別，係違反「知情同意」理念
3. 上海16區有15區達至社會面清零，打算三階段放寬防疫限制
清零係打緊一場必輸嘅仗，中國防疫部門只係自欺欺人
就算你可以做到香港咁連續幾個月清零，只要你開關，就必然重新爆發
中共而家將所有資源放哂去隔離，如果反而唔夠資源增強處理病患能力
事實上防寬只得一個原因，就係中國經濟已頂唔順。其實習近平同列寧、史太林同毛澤東都好似，就係每當堅持共產式社會主義遇到挫折，就會taking one step backward, to take two steps forward later，當年NEP如是，三年經濟困難時期如是，今日中國經濟如是
中國本來經濟係形勢大好，同美國22萬億GDP經已追到17萬億幾，而家咁搞法強國夢可以宣佈破滅
