EP 20 白兵新聞電台 X 新聞廣播塔 20220505
Added 2022-05-05 07:34:40 +0000 UTC新聞廣播塔
1. 政府進一步放寬防疫措施：
繼續上放寬無幾耐又再放寬多次，堂食去到8人，晚市去到12點，連政府世仇酒吧都開得番，完全係跳崖式放寬
客觀事實就係連聲稱放寬加假期後嘅報復性反彈都無出現，大家都知香港疫情已去到尾聲，要染嘅人都經已染哂咁滯
望番轉頭，好撚諷刺嘅係，政府點樣死守爛守Omicron，結果就係比人一嘢打穿，跟住大規模爆發後唔染都染咗，剩番嘅防疫措施都只係做個樣
當日因為清零覺得自己好叻豬，跟住逐步放寬防疫措施，然後一有小小疫情又立刻神經質收緊，而家你睇番幾撚on9；所以有人話Omicron係上帝拯救凡間嘅天使，我其實係信架
自從安心出行連結針卡後基本上已難逃全民監控；分享一個安心出行被捕故事，大家要小心
安心出行會成為全面監控app嗎？
2. 燒山陶傑大亂鬥：由Mirror係虛火講到燒山因私怨撐Mirror
陶傑、杜琪峰討厭Mirror其實可以理解，就係「黑鏡情意結」
身邊好多人都討厭周圍都係Mirror，亦有人認為佢地嘅才華配唔上而家嘅成就，其實都各有其理由
問題只在於佢一口批死Mirror係虛火，呢下就好有問題：Mirror紅足兩年點可能係虛火？而且虛火又點？點解成功嘅歌手一定要紅足幾十年？
我係非常同意好多黃絲係將Mirror代入成為黃色經濟圈一部份，有一種政治情感投射，但即使無政治情感，Mirror一樣會紅，因為香港所謂「政治情感」其其實只係自欺欺人：響抗爭當中乜都無貢獻過，可以有幾深刻？
所以就算Mirror進軍大灣區，咪話佢地「賺藍養黃」囉；同埋Mirror從來唔係靠黃上位，你希望佢抗衡TVB係你嘅事，人地無責任幫你改變社會、甚至改變樂壇
好多所謂「文化評論人」個問題係，佢地唔明白流行文化價值係應該響創作者成功後形成嘅，而唔係掉番轉創作者由一開如就要承擔啲乜嘢社會文化責任；有啲藝人響成名之後發財立品已算好好
陶傑評Mirror，同燒山評試當真一樣，最令人討厭嘅都係充滿住一浸老人除：下下拎舊史香港黎講點點點，然後就話呢一輩後生仔比唔上八九十年代廢老經典，跟住又係例牌講句樂壇玩完／電影圈玩完
所以當我見燒山走去抽陶傑水我係覺得好諷刺，人地個Tone同思路根本同你一撚樣：陶傑話Mirror咁紅會聚集人群政府一定搞佢；同燒山話政府一定迫李澤楷唔准再宣傳Mirror一撚樣咁on9
同埋尻噏之前其實可唔可以做下資料搜集？燒山仲係停留響徐少鳳張國榮開三四十場演唱會，演唱會飛仲係賣緊280、480、680個年代
點解新一代歌手演唱會唔開得多？
Comments
紅館要唔要去報ICAC？
Lee Shing
2022-05-06 01:41:36 +0000 UTC16:50 有人話中國清零係戰爭既壓力測試... 🥲
Tim Chan
2022-05-05 16:59:44 +0000 UTC
