EP 34 白兵新聞電台 X 新聞廣播塔 20220809

1. 防疫全面減辣：7+0變4+3黃碼可搭車買嘢

 特區政府響國際開關壓力下終於再一步與病毒共存：7日酒店隔離變4日，剩番3日轉黃碼；然後紅碼係完全唔准外出，黃碼則唔准去Do針卡場所

 香港第一季GDP跌4%，第二季跌1.4%，技術性陷入經濟衰退；人口流出除咗移民就係因為你果啲極其無理嘅隔離政策，最撚慘卻係搞咁撚多嘢確診數都仲係咁高，即係根本無可能清零同大陸通關無期，兩頭唔到岸

 大陸紅碼係要捉去集中營，黃碼係連醫生都唔比睇，而家香港紅碼最多只係等如人地黃碼Level，黃碼更加係同無打針唔裝安心出行嘅人差唔多

 早幾日我同白兵同一位新IT朋友食飯，佢同我地講其實安心出行係好撚廢，技術上真係收集唔倒我地嘅資料，甚至乎當日中環開槍事件所謂靠「安心出行」捉賊其實都只係查番疑犯手機，實際上店舖係無任何Record

 政府唔係唔想用黎監控市民，問題在於技術力有限；就好似響香港做唔倒網格化管理同用安心出行搭車，黃紅碼只會名存實亡

 仲有就係政府終於屈服，無打針嘅抵港人士只要上倒機，番到香港檢疫唔單止一樣係4+3，仲要有180日免針豁免

 有網友好樂觀咁睇，話政府咁放鬆法隨時去到年底就免檢疫回港──但我覺得呢種諗法係低估咗政府果種固執法，我覺得3日酒店檢疫會係政府底線，起碼去到出年年中

2. 蛋散組織聲討商台7主持無關痛癢，KOL將報導同黨媒點名撈亂極不專業

 其實呢排係有好多藍屍三四個行動組織走去呢度果度示威表忠，只不過因為次數太多所以根本無乜人關心

 呢個叫「和衷共濟愛港聯盟」，其實走去起下底，就知係幾條傻佬傻婆走去唱下國歌、屌下美國佬、屌上法官就當自己做咗嘢R錢蛋散組織；喂佢地連Youtube都係得幾十人睇，就知道連藍屍都當佢地無度啦

 本身文匯東方成撚日都有報佢地遊行，但同林作成撚日上娛樂版一樣，除咗背後有宣傳費交收根本無撚原因要特撚登報佢地──舊年佢地夠去法院「反對梁卓然出任暫委法官」、「梁卓然法律專業能力存疑」、「不容馬家健冤案重現」，有無黃屍KOL走去講？

 不過今次佢地搞尻商台，噏咗幾個大家都識嘅名出黎，然後燒山個廢老元宇宙睇中咗佢個「新聞價值」吹撚到大一大，跟住班蠢撚黃屍以訛傳訛，就變成乜撚嘢「中共殺到商台打擊言論自由」

 沈旭暉無做商台成年咁滯、潘小濤又係辭撚埋職，仲做緊嘅陳志雲反而提都無提，你就知呢班廢柴藍屍狗好明顯只係求撚其拎幾個聽過嘅人名出黎，跟撚住文匯報純粹就係將佢地個示威報導一次，就變成「黨媒」點名批評──將報導同「黨媒報名」撈亂，作為傳媒係極之唔專業

 然後班黃標KOL當然唔撚放過呢個自我宣傳機會，又響度尻吹到自己比人政治迫害乜乜柒柒，但最撚卑鄙無恥都係燒山個廢老元宇宙為撚咗呃View呃Like又用埋啲最撚低莊嘅傳媒手段，無風起浪將啲濕尻到唔恨嘅藍屍組織吹大10000倍，其實同梁振英係又港獨、唔係又港獨係一尻模樣

3. 許智峯澳洲被潑水點回應，足見黃絲響民主自由國家做倒啲乜

 許智峰響澳洲比一個貌似吳明德嘅藍屍潑水同用粗口指罵，已報警之餘聽講已有其他黃絲起咗佢底，會發起去佢公司投訴云云

 好多移民KOL講到香港乜都做唔倒，民主國家有好大自由空間進行抗爭，呢次就係一個好好嘅示範比大家睇你地會做啲乜，尤其連佢番咩工都搵倒之後

 我都唔講去到私鳥咁激，有無人會發動群眾圍堵佢間公司抗議示威？有無人會趁佢放工潑下水擲下臭雞蛋報復？如果無的話，其實所謂和理非無論響香港定海外，都照樣係冷氣軍屍齋吹唔做Side撚氣

 我成日都話，只有真正可以用到嘅自由先係真正嘅自由，人地藍屍就正正係利用海外嘅自由去實行佢地各式各樣嘅統戰同滲透；偏偏香港班黃屍同移民KOL聲就大，真係去到行動階段就多多理由藉口，香港民主抗爭靠佢地就真係嘥撚氣

 又聽講黃世柒又響度尻吹乜撚「要求英國Home Office驅逐所有中國移民同留學生出境，因為中國人本性如此」，我都先唔好講呢啲響鬼佬標準就係Racist，比人舉報應該唔止黃標而係要成個Channel下架，呢條撚樣又係Send封Junk Mail就當自己做咗嘢，收撚皮啦垃圾！

 我又記得兩年前呢條撚樣呃口罩錢比網民圍剿，為咗脫身就開始尻吹有國安跟蹤佢，然後求撚其貼封相就當係，即係大陸滲透、迫害都可以變成呃錢機會同甩身藉口，都真係只有黃標KOL先做得出