白兵 Stormtrooper

EP 32 白兵新聞電台 X 新聞廣播塔 20220728

Added 2022-07-28 05:23:26 +0000 UTC

1. 究竟我係咪患咗武肺？其實我覺得呢啲算係私隱，希望大家唔好傳出去。但既然我都響自己收費節目講過，呢度亦簡單交待少少情況首先我只係疑似中武肺，無做快測；點解疑似中，係因為有啲我接觸過嘅人都陸續中咗，同埋病癥有啲似由星期一晚開始有唔妥，星期二開始發，去到今日都未好番。主要問題係喉嚨痛，但又未去到講唔倒嘢；最初無發燒，但之後開始有但唔嚴重，不過要訓多好多時間，嚴重延誤工作進度。基本上點樣辛苦，都辛苦唔過打第二針時嘅副作用，大概同打第三針時嘅副作用差唔多。結果好ON9地嘅，等如夾埋中咗三次武肺，當然苗撚又會好得戚咁講，好彩打針唔係你直頭重症加死埋，呢種永遠證實唔倒嘅陰謀論其實就好似黃屍抹黑人地係鬼係臥底一樣，任得佢地講撚哂

2. 放風11月海外通關而家政府響確診數突破4000之時放風11月可能會放寬防疫措施實行通關，除咗係因為香港經濟經已無辦法再等落去之外，亦因為Omicron根本對醫療系統構成唔倒壓力當然我覺得美國延續香港第四級旅遊警告之餘，仲加插咗「濫用刑事檢控」內容令中共覺得非常無面，結果就係打算借住通關將香港旅遊警告降級黎挽回多少面子──尤其係中國防疫仲嚴格過香港但都仲係第三級係極之唔Make Sense擺明玩嘢之但係美國政府之所以響新出旅遊警告加插「單方面任意行使警察和國安權力」呢啲字句，好大程度上又係因為美藉律師Samuel Bickett早排響美國國會聽證會分享自己響香港因為拯救市民搞到坐監嘅經歷而導致我而家最擔心嘅只係究竟所謂「通關」會唔會只係將7日酒店隔離變成7日家居隔離；至於遊客會唔會因為擔心私隱洩漏、選擇拒裝安心出行而唔黎香港，真係要到時先知──講真你去中國旅遊咪仲無私隱，以前都大把海外遊客啦

3. 指控老千從來都吃力不討好有關升旗易得道嘅爭議，去到今時今日經已變成泥漿摔角。我覺得最大問題從來係有批人想完全否定升旗易有救手足嘅事實，再拉埋之前塞浦路斯之類嘅Side Track嘢黎講，自然好容易被推翻基本上我係相信升旗易真係拎咗六十幾萬出黎比豪仔養住班義士；而且搵東週刊呢啲藍媒合作雖然係有問題但罪不致死但佢地公佈入錢嘅日期只限於2021年至5月至11月為止，同埋係八個而唔係四個人，咁豪仔當一年洗費拎一半比健仔四個人用，除番開3萬至3萬5一個月條數又真係無錯跟住Tony Tsoi話之前乜撚理大起兩年拎咗二百萬出黎就肯定吹撚大咗，仲要老屈豪仔同Sandy食夾棍就直頭係無恥──前者搵條命同你搏，後者同你做義工幫你處理過幾多嘢，咁樣反轉豬肚肉唔肉酸啲？之但係同教徒講道理係嘥氣，即係我見倒有啲留言直頭信埋升旗易果套「為咗要平衡失實嘅左媒，所以佢地都要用更加誇張失實嘅標題同內容」你就知拗黎都嘥氣

4. 鮑偉聰只係劉細良加陶傑嘅劣質複製版基本上佢嘅立場就係同鄧飛蔡若蓮一樣，認為男仔唔准留長髮係一種約定俗成嘅Norm，校規就係不容挑戰，你唔鍾意可以轉校唔讀；然後仲七情上面講到林同學今次走去平機會投訴隨時累街坊，搞到女仔都要剪短頭髮呢種Blame the Victum、「唔好激嬲共產黨」嘅邏輯，係再次證明呢條友點解對勇武派班後生仔咁撚怨恨──原本無612抗爭，我鮑偉聰仲可以繼續寫奶共大陸劇本一年賺番五六十萬，就係你班仆街仔走去放火魔、衝鐵馬累街坊，激嬲共產黨搞到《國安法》立法，結果搞到我要移民英國賺少好多……而我相信呢啲心底話唔單止鮑偉聰自己，亦代表咗燒山、劉細良、沈旭暉甚至一大堆黃屍中剷嘅心聲然後佢又滑坡推論到如果今日比男學生留長頭髮，聽日到男學生要求著裙咁點？但最撚離譜都係講到應唔應該留長頭髮唔關你嘅性別，而係你個樣──痴撚線咩你！原來樣衰就無人權唔可以決定自己點打扮？咁樣衰嘅女仔係咪要剃光頭？甚至樣衰嘅人係咪要蒙面出街？呢條撚樣究竟知唔知自己噏緊啲乜？即係鮑偉聰成撚日想學陶傑果種嘻笑怒罵尖酸刻薄Tone，但卻因為胸無半點墨水所以將個人自由同主觀美醜判斷撈撚到亂哂，最後淪為最低級嘅人身攻擊