EP 30 白兵新聞電台 X 新聞廣播塔 20220712
Added 2022-07-12 16:46:59 +0000 UTC新聞廣播塔
1. 全球通漲問題
之前星島日報將一磚牛油比較錯做一盒牛油引黎無謂論戰。雖然全球化貿易拉近咗唔同地方生活質素，但總係會各有各優缺點、抵同唔抵嘅嘢
從來移民嘅爭議都應該係在於生活水平以外嘅嘢，走去拎邊啲嘢平同貴走去互相攻擊真係好撚ON9
但可以肯定而家香港同歐美地區有一樣種大差別，就係通漲問題
點解香港無通漲？1. 因為香港經濟無過熱問題；2. 租金疲弱無成本上升壓力；3. 美元超強勢令港元購賢力強，抵銷輸入性通漲
港燈無核電，打算2023年淘汰全部燃煤機組，而家奶哂嘢，燃料附加費要加18%
而家好睇特區政府係咪仲堅持亂搞香港，一旦國安、防疫同支爆繼續損害香港經濟，美國又繼續加息，我地隨時進入通縮時代，到時經濟就真係仆街
掉番轉，美國聯儲局而家就係寧願搞死經濟，都堅持要壓抑通漲，所以升值升到癲咗。但敗燈政府唔明嘅係，真正嘅通漲根源除咗俄烏戰爭之外，其實仲在於敗燈簽咗成3萬億基建法案，個政府一方面又話經濟過熱，另一方面又同私人市場搶人搶資源，你話幾撚痴線？
至於歐洲，佢地鄰近俄羅斯同烏克蘭，當然係最受戰爭影響嘅地區。英國而家通漲9.1%，但原來東歐有啲地區經已升到1X%，
最大問題係，歐盟唔同國家經濟情況有別，唔能夠用太進取方式加息打壓通漲，仲有一個考慮係，歐洲唔同美國，除咗英法德呢啲大國佢地經濟根柢其實唔係咁強，一旦加息隨時進入衰退
你愈唔加息，同美國息差就愈大，所以點解歐元可以跌到同美元一兌一，就係美國仲有老本可以燒──所以好多人以為俄烏戰爭係消耗緊俄軍戰力，其實同時都係消耗緊歐洲經濟力。中俄兩地經濟問題可以靠強權鎮壓，但歐洲換黎嘅就係政府落台
而家法國班反對黨就等緊馬克隆仆街，遲遲唔肯同佢組成聯合政府
2. 安倍晉三遇刺案
去到今日刺殺安倍兇手啲資料都幾乎公開哂出黎，仲堅持陰謀論嘅人只可以講係拒絕接受現實
至於好多人認為安倍死咗會大幅影響日本外交路線亦係太天真，完全忽略咗日本從來都係美國保護國
講安倍當然係要講「三箭經濟學」：量化寬鬆、大幅增加政府支出、金融結構性改革，但似乎真正實行倒嘅都只係有量化寬鬆一項
日本而家有嚴重赤字，但主要原因係由於疫情，而唔係進取性財金政策；日本果種官僚體制仍然非常嚴重，係無乜成功改革過，而家岸田文雄就話要積極數位化
但要注意一點係，而家日本有六成國債，其實都已揸咗響日本政府手上，雖然未來如果要打擊通漲、進行緊縮政策，係要將部份國債放番去市場，但幾乎可以肯定有相當一部份係有生之力都唔駛償還。
另外通漲其實係等同減輕咗日本嘅債務負擔，亦削減咗既得利益階級嘅資產，迫使／鼓勵國民要作更進取投資，對死氣沉沉嘅日本其實係好事
千萬要記住一樣嘢，通漲同匯率一樣，過高同過低都唔係好事
